الكويت تبكي وتصارخ وعمك اصمخ..!

يا مطوطي بجليب!

 

الكويت تبكي وتصارخ وعمك اصمخ..!

كتبت هند البلوشي :

 

والله قلنا عقب هالمناظر للفيديوهات اللي انتشرت بيصير في قرار حاسم بس اتضح ان وايد يحبونه بيعطونه فرصه لي باجر او عقبه اذا استمر الامر بينوخذ قرار لا رجعة فيه امممم هذا بلا ابوك يا عقاب دائما لي طاح الفاس بالراس بس لي فات الفوت ما ينفع الصوت

كل هذا علشان القروض؟ وعلاقات دول ؟ والا علشان مصالح ؟ وليش مصلحة الشعب مو من ضمن هالمصالح

ماشاءالله البلدان الثانية بلشت ترجع فيها الحياة تدريجياً والناس بدت تتنفس وديرتنا تاخذ القرارات تدريجياً لين الناس اختنقت

البلدان الثانية ماشفنالهم فيديوات تفاخر وتكسبات اعلامية وديرتنا الظاهر فيها اعلامياً غير الباطن

البلدان الثانية تعلمت من البلاء وعدلت وديرتنا باسم الانسانية سمحت لتدمير البلد ومرافقها وماتعلمت

الكويت تبكي وتصارخ وعمك اصمخ وما ينسمع الا صوت المخالفين واللي قلبهم مو عالبلد

الصفوف الامامية تعبت وتهالكت وانهارت قواها من وزارة الداخلية ومن كوادر طبية ماقصروا ابد..

وماعاد في كوادر للمحاجر اللي انقط عليها ملايين وانبنت ومرضانا يردون بيوتهم لهالسبب ويعرضون اهاليهم للخطر وتقولون ليش انتشر ؟

انبحت اصوات الكثير وهاشتاقات تنادي بالتغيير .. بس اللي قاعد يصير .. نهايته التدمير

قرارات وقوانين مو حنا اللي عصيناها وما مشينا عليها دوروا الغلط وين حتى ما ينقط الغلط عالشعب

نقطة ونهاية السطر..

#بنت_الكويت


Leave a Reply

Your email address will not be published.


*